| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.203 | Dem. 21.206 (English) | >>Dem. 21.209 |
21.205καὶ βοηθοῦσιν οἱ λέγοντες ὑπὲρ αὐτοῦ , οὐχ οὕτω τούτῳ χαρίσασθαι μὰ τοὺς θεοὺς βουλόμενοι , ὡς ἐπηρεάζειν ἐμοὶ διὰ τὴν ἰδίαν ἔχθραν , ἣν οὗτος αὑτῷ πρὸς ἐμέ , ἄν τʼ ἐγὼ φῶ ἄν τε μὴ φῶ , φησὶν εἶναι καὶ βιάζεται , οὐκ ὀρθῶς · ἀλλὰ κινδυνεύει τὸ λίαν εὐτυχεῖν ἐνίοτʼ ἐπαχθεῖς ποιεῖν · ὅπου γὰρ ἐγὼ μὲν οὐδὲ πεπονθὼς κακῶς ἐχθρὸν εἶναί μοι τοῦτον ὁμολογῶ , οὗτος δʼ οὐδʼ ἀφιέντʼ ἀφίησιν , ἀλλὰ καὶ ἐπὶ τοῖς ἀλλοτρίοις ἀγῶσιν ἀπαντᾷ καὶ νῦν ἀναβήσεται μηδὲ τῆς κοινῆς τῶν νόμων ἐπικουρίας ἀξιῶν ἐμοὶ μετεῖναι , πῶς οὐχ οὗτος ἐπαχθής ἐστιν ἤδη καὶ μείζων ἢ καθʼ ὅσον ἡμῶν ἑκάστῳ συμφέρει ;
21.206ἔτι τοίνυν παρῆν , ὦ ἄνδρες Ἀθηναῖοι , καὶ καθῆτʼ Εὔβουλος ἐν τῷ θεάτρῳ , ὅθʼ ὁ δῆμος κατεχειροτόνησε Μειδίου , καὶ καλούμενος ὀνομαστὶ καὶ ἀντιβολοῦντος τούτου καὶ λιπαροῦντος , ὡς ὑμεῖς ἴστε , οὐκ ἀνέστη . καὶ μὴν εἰ μὲν μηδὲν ἠδικηκότος ἡγεῖτο τὴν προβολὴν γεγενῆσθαι , τότʼ ἔδει τόν γε φίλον δήπου συνειπεῖν καὶ βοηθῆσαι · εἰ δὲ καταγνοὺς ἀδικεῖν τότε , διὰ ταῦτʼ οὐχ ὑπήκουσεν , νῦν δʼ , ὅτι προσκέκρουκεν ἐμοί , διὰ ταῦτα τοῦτον ἐξαιτήσεται , ὑμῖν οὐχὶ καλῶς ἔχει χαρίσασθαι ·
21.207μὴ γὰρ ἔστω μηδεὶς ἐν δημοκρατίᾳ τηλικοῦτος , ὥστε συνειπὼν τὸν μὲν ὑβρίσθαι , τὸν δὲ μὴ δοῦναι δίκην ποιῆσαι . ἀλλʼ εἰ κακῶς ἐμὲ βούλει ποιεῖν , Εὔβουλε , ὡς ἔγωγε μὰ τοὺς θεοὺς οὐκ οἶδʼ ἀνθʼ ὅτου , δύνασαι μὲν καὶ πολιτεύει , κατὰ τοὺς νόμους δʼ ἥντινα βούλει παρʼ ἐμοῦ δίκην λάμβανε , ὧν δʼ ἐγὼ παρὰ τοὺς νόμους ὑβρίσθην , μή μʼ ἀφαιροῦ τὴν τιμωρίαν . εἰ δʼ ἀπορεῖς ἐκείνως με κακῶς ποιῆσαι , εἴη ἂν καὶ τοῦτο σημεῖον τῆς ἐμῆς ἐπιεικείας , εἰ τοὺς ἄλλους ῥᾳδίως κρίνων ἐμὲ μηδὲν ἔχεις ἐφʼ ὅτῳ τοῦτο ποιήσεις .
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.203 | Dem. 21.206 (English) | >>Dem. 21.209 |
